21.06.2026 | 13:46
Ինչո՞ւ է հնարավոր չէ կարկուտը ճշգրիտ կանխատեսել․ պարզաբանում է Լևոն Ազիզյանը
ՌԴ ԳՇ պետը հայտարարել է, թե Մոսկվան աշխատում է Բաքվի ու Երևանի միջև խաղաղության պայմանագիր կնքելու ուղղությամբ
Քաղաքականություն
21.12.2023 | 15:59
Ռուսաստանը նպատակաուղղված ձգտում է ապաշրջափակել տրանսպորտային հաղորդակցություններն Անդրկովկասում, խաղաղության պայմանագիր կնքել Հայաստանի և Ադրբեջանի միջև ու լուծել երկու երկրների միջև առկա ամենասուր հակասությունները։ Այս մասին հայտարարել է ՌԴ ԳՇ պետ Վալերի Գերասիմովը, գրում է ՏԱՍՍ-ը։
«ՌԴ-ն նպատակաուղղված աշխատանք է տանում Անդրկովկասում տրանսպորտային հաղորդակցությունների ապաշրջափակման, Բաքվի ու Երևանի միջև խաղաղության պայմանագրի կնքման, ինչպես նաև հայ-ադրբեջանական ամենասուր հակասությունները լուծելու համար»,- ասել է Գերասիմովն օտարերկրյա ռազմական կցորդների համար 2023 թվականի ՌԴ ՊՆ գործունեության արդյունքների վերաբերյալ ճեպազրույցում։
Նա նաև նշել է, որ իրավիճակը Հարավային Կովկասում մնում է լարված։
«Անդրկովկասում իրավիճակը շարունակում է լարված մնալ, բայց կայունացման միտում ունի: Այս տարվա սեպտեմբերին ռուս խաղաղապահների միջնորդական ջանքերի շնորհիվ հաջողվեց հրադադարի հասնել 24 ժամվա ընթացքում»,- հայտարարել է ՌԴ ԳՇ պետը։
Էմմա Չոբանյան
