Ինչու Նիկոլ Փաշինյանը որոշեց իր կառավարման 100 օրն ամփոփել ոչ թե փակ սենյակում, այլ հանրահավաքի ժամանակ․ քաղտեխնոլոգը պատճառներն է ներկայացնում․ ՏԵՍԱՆՅՈՒԹ

Ընդունված մեթոդոլոգիա է, երբ իշխանության եկած ուժն իր գործունեությունն ամփոփում է 100 օր անց, բայց հաշվի առնելով, որ այս Կառավարությունը ժամանակավոր է և տեղի են ունենալու արտահերթ ընտրություններ, շատ փորձագետներ, չսպասելով սահմանված 100 օրվան նախապես հչեցրին գնահատականներ և տեսակետներ։ 

Այս մաին այսօր լրագրողների հետ զրույցում ասաց քաղտեխնոլոգ Արմեն Բադալյանը։ 

«Ինչ  վերաբերում է հարցին, թե ինչու է վարչապետը իր գործունեության 100 օրն ամփոփելու համար ընտրել հանրահավաքը, ապա պետք է նշեմ, որ հանրահավաքներն, ըստ էության, իռացիոնալ, զգացմունքային դաշտ են ապահովում, որտեղ ավելի շատ զգացմունքներ են ցույց տալիս, քան պարզ տրամաբանություն։ Հանրահավաքի տեղը հարմար չէ հասկանալու, վերլուծելու համար, երբ ներկայացնում են 100-օրյա գործունեություն, որը ենթադրում է հարցեր տալու հնարավորություն։ Աշխարհում ընդունված տարբերակ է՝ 100 օրվա գործուեությունը ներկայացնել փակ տարածքներում, երբ նաև այդ տարբերակով լրագրողներին են հաշվետվություն տալիս։ Սա ընդունված է, իսկ վարչապետ Նիկոլ Փաշինյանի կողմից հանրահավաքի տարբերակն է ընտրվել այն պատճառով, որ նա ուզում է ցույց տալ, որ հեղափոխությունը շարունակում է»,- ասաց քաղտեխնոլոգը։   

Վերջինիս փոխանցմամբ՝  տրամաբանական կլիներ, եթե վարչապետն իր գործունեության 100 օրվա ժամկետն ամփոփեր փակ սենյակում, մի քանի լրատվամիջոցների ներկայությամբ, ինչը նաև կհեռարձակվեր։ 

Խոսելով գործող Կառավարության թերությունների մասին՝ Արմեն Բադալյանը նշեց, որ ներկայիս Կառավարությունն իր գործունեության ընթացքում այդպես էլ չկարողացավ ապահովել հեռանկարային զարգացման կոնցեպցիա և, որ, ամենավատն է, նման քննարկումներ անգամ չի էլ նախատեսում։ 

Մանրամասները՝ տեսանյութում։