08.04.2026 | 01:11
Խարբերդի ամառանոցներից դեպի Նուբարաշեն ավտոճանապարհին 5 մեքենա է բախվել. 3 անձ հոսպիտալացվել է
Հաջիևը հայտարարել է, թե Ադրբեջանը Հայաստանի հետ կապված «ռազմական նպատակներ չունի»
Քաղաքականություն
20.12.2023 | 17:32
Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը հերքել է մտահոգությունները, որ Բաքուն ծրագրում է զենքի ուժով Հայաստանի տարածքով «ցամաքային միջանցք կտրել» դեպի Նախիջևան, գրում են ադրբեջանական լրատվամիջոցները։
«Մենք տեսնում ենք Հայաստանի կողմից կեղծ տագնապ ու հիստերիա, ինչպես նաև որոշ գործընկերների նարատիվը Ադրբեջանի որոշ այլ մտադրությունների հետ կապված։ Ադրբեջանն այլևս չունի ռազմական նպատակներ։ Մեզ համար պատերազմն ու դիմակայությունն ավարտված են։ Մենք ստացանք այն, ինչին արժանի էինք»,- հայտարարել է Հաջիևը։
Խոսելով Հայաստանի հետ բանակցությունների մասին՝ նա նշել է, թե «մնում են հարցեր, որոնք պետք է քննարկել», և հավելել, որ կողմերը «շատ ավելի մոտ են խաղաղությանը, և Բաքուն այլևս լուրջ խնդրահարույց հարցեր չի տեսնում»։
Էմմա Չոբանյան
