15.09.2026 | 18:42
Վահան Բիչախչյանը մոտ է խաղադաշտ վերադառնալուն
Չինաստանում երկրաշարժի հետևանքով կորուստների թիվն աճում է
Քաղաքականություն
20.12.2023 | 12:56
Չինաստանի հյուսիսարևմուտքում տեղի ունեցած երկրաշարժի զոհերի թիվը հասել է 131-ի։ Տվյալները հաղորդել է Չինաստանի կենտրոնական հեռուստատեսությունը․ Գանսու նահանգում զոհերի թիվը 113 է, ևս 18 մարդ մահացել է հարևան Ցինհայ նահանգում։
Ավելացել է նաև վիրավորների թիվը։ Ցինհայում տուժել է առնվազն 198 մարդ, Գանսուում՝ 536-ից 782, փոխանցում է DW-ի ռուսական ծառայությունը:
Չինաստանում երկրաշարժը տեղի էր ունեցել դեկտեմբերի 18-ի երեկոյան, ուժգնությունը կազմել էր 5,9-6,2 մագնիտուդ։ Երկրաշարժի էպիկենտրոնը եղել է Գանսու նահանգում՝ Ցինհայի հետ վարչական սահմանից մի քանի կիլոմետր հեռավորության վրա։
Աղետի գոտում խափանվել է ջրամատակարարումը, վնասվել են էլեկտրահաղորդման գծերը, հազարավոր շենքեր և տրանսպորտային ենթակառուցվածքներ։
