15.09.2026 | 18:03
«Քրոջս հաշվին եք ուզում «հողեր հետ բերել», որը զոհվել է 2022-ին՝ ծառայության ընթացքում»․ Ալխաս Ղազարյան․ ՏԵՍԱՆՅՈՒԹ
Զելենսկին հայտնել է, որ ուկրաինացի զինվորականներն առաջարկել են մոբիլիզացնել ևս 450-500 հազար մարդու
Քաղաքականություն
20.12.2023 | 16:41
Ուկրաինայի նախագահ Վլադիմիր Զելենսկին հայտարարել է, որ ուկրաինացի զինվորականներն առաջարկել են ևս 450-500 հազար մարդու մոբիլիզացնել երկրի զինված ուժերում, գրում է VOA-ն։
Տարեվերջյան մամուլի ասուլիսում նա նշել է, որ սա «շատ զգայուն» հարց է, որը բանակն ու կառավարությունը քննարկում էին նախքան այն Գերագույն Ռադա ուղարկելը:
Ավելի վաղ ուկրաինացի պաշտոնյաները հայտնել էին, որ ուկրաինական զորքերի թիվը կազմում է մոտ մեկ միլիոն մարդ։
«Ես ասացի, որ ինձ ավելի շատ փաստարկներ են պետք այս ուղղությունը պաշտպանելու համար, քանի որ սա առաջին հերթին մարդկանց հարցն է։ Երկրորդ՝ սա արդարության հարց է, պաշտպանունակության և ֆինանսների հարց է»,- ասել է Զելենսկին։
Նա նաև հայտարարել է, որ Մոսկվայի հետ գերիների փոխանակման գործընթացի վերջին ձգձգումը ռուսական կողմի պատճառով է, սակայն հույս է հայտնել, որ փոխանակումները շուտով կվերսկսվեն:
