11.09.2026 | 11:00
Կառավարության նիստը. ՈւՂԻՂ
Նալբանդյանը առաքելության ավարտի կապակցությամբ ընդունել է Հայաստանում Խորվաթիայի դեսպանին
Քաղաքականություն
07.07.2017 | 18:45
Հայաստանի արտաքին գործերի նախարար Էդվարդ Նալբանդյանը հուլիսի 7-ին ընդունել է Հայաստանում դիվանագիտական առաքելությունն ավարտող՝ Խորվաթիայի դեսպան Իվան Վելիմիր Ստարչևիչին (նստավայրը՝ Աթենք): Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից:
Նախարար Նալբանդյանը դրական է գնահատել Հայաստանի և Խորվաթիայի միջև ձևավորված փոխգործակցությունը և կարևորել է դեսպան Ստարչևիչի անձնական ներդրումը երկկողմ հարաբերությունների զարգացման գործում՝ հաջողություն մաղթելով դեսպանին իր հետագա գործունեության ընթացքում:
Շնորհակալություն հայտնելով առաքելության ժամանակահատվածում արտգործնախարարության կողմից ցուցաբերված աջակցության համար՝ Խորվաթիայի դեսպանը համոզմունք հայտնեց, որ համատեղ ջանքերով երկկողմ հարաբերությունները կշարունակեն ամրապնդվել և ընդլայնվել:
Զրուցակիցները մտքեր են փոխանակել երկկողմ օրակարգի հարցերի, միջազգային կառույցներում փոխգործակցության, Հայաստան – Եվրոպական միություն համագործակցության շուրջ։
