07.10.2026 | 17:05
Փաշինյանը սխալվում է․ կին համայնքապետեր ՀՀ-ում եղել են նաև 2018-ից առաջ
ՆԱՏՕ-ն քննարկում է Ռուսաստանի հիպոթետիկ հաղթանակի հետևանքները
Քաղաքականություն
19.12.2023 | 19:22
ԱՄՆ-ի և Եվրոպայի հետագա ֆինանսական ու ռազմական օգնության հետ կապված առաջացող փակուղին Ուկրաինայի դաշնակիցներին ստիպում է խորհել այն բանի շուրջ, ինչին նրանք հրաժարվում էին հավատալ ռուսական ներխուժման առաջին օրերից ի վեր․ այն է՝ ինչ կլինի, եթե Պուտինի Ռուսաստանը կարողանա հաղթել, գրում է Bloomberg-ը։
Բացի Ուկրաինայի համար հնարավոր աղետալի հետևանքներից՝ որոշ եվրոպացի քաղաքական գործիչներ սկսել են «հանգիստ դիտարկել» Հյուսիսատլանտյան դաշինքի՝ Երկրորդ համաշխարհային պատերազմից ի վեր Եվրոպայի ամենամեծ հակամարտությունում ձախողման հետևանքները, գրում է թերթը՝ վկայակոչելով ներքին քննարկումներին ծանոթ իր աղբյուրներին:
Նրանց խոսքով՝ Ուկրաինայում Ռուսաստանի հաղթանակի ալիքային հետևանքները կզգացվեն ամբողջ աշխարհում, քանի որ ԱՄՆ-ի գործընկերներն ու դաշնակիցները կարող են կասկածի տակ դնել Վաշինգտոնի պաշտպանական խոստումների արժանահավատությունը:
Մերձբալթյան երկրներում պաշտոնյաներն արդեն կոչ են անում հանրությանը պատրաստվել հաջորդ պատերազմին, քանզի ռուսական ռազմական ուժերը չեն ջախջախվի Ուկրաինայում: Քննարկումներում հարցից, թե «ի՞նչ կլիներ, եթե Ռուսաստանը հարձակվեր», անցել են մինչև վերջերս աներևակայելի թվացող կոնկրետ նախապատրաստությունների։
Չնայած ԱՄՆ նախագահ Ջո Բայդենի հրապարակային հավաստիացումներին՝ հարցերն աճում են այն մասին՝ արդյո՞ք ԱՄՆ-ը և մյուս դաշնակիցներն իսկապես վտանգի տակ կդնեն իրենց զորքերը՝ պաշտպանելով փոքր երկրներին, որոնք ժամանակին եղել են Խորհրդային Միության մաս:
