07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Սովն ու հիվանդությունները կարող են ոչնչացնել Գազայի բնակչությանը․ «Բժիշկներ առանց սահմանների»
Քաղաքականություն
19.12.2023 | 17:24
«Բժիշկներ առանց սահմանների» միջազգային մարդասիրական կազմակերպությունը դատապարտել է Գազայի հատվածում «միջազգային մարդասիրական իրավունքի կոպտագույն խախտումը»: Այս մասին հայտարարել է Իսպանիայում կազմակերպության գլխավոր տնօրեն Մարթա Կանյասը։
«Եթե ռումբերը չոչնչացնեն Գազայի հատվածի բնակչությանը, սովն ու հիվանդությունները դա կանեն։ Մարդասիրական օգնություն տրամադրելը ծիծաղելի է և չի կարող որպես այդպիսին դիտարկվել։ Այս պահին մատակարարվում է նախկինում մատակարարվածի միայն 15%-ը»,- ասել է Կանյասը, փոխանցում է El Mundo պարբերականը։
Նա խոսել է «Բժիշկներ առանց սահմանների» կազմակերպության անզորության մասին, երբ «երեխաները գալիս են կոնսուլտացիաների և ասում, որ նախընտրում են մեռնել, քան շարունակել տառապել, երբ մահացածներն ավելի շատ են, քան վիրավորները», «երբ ստիպված են լինում վիրահատել և անդամահատել առանց անզգայացման կամ հատակին։
«Անհնար է նկարագրել այն, ինչ տեղի է ունենում»,- ընդգծել է Կանյասը:
