23.07.2026 | 15:19
Արարատում կկառուցվի 2 բազմաբնակարան բնակելի շենք. կլուծվի 48 ընտանիքի բնակարանային ապահովման հարցը
ՀԱՊԿ-ը 2024 թվականին կազմակերպության ուժերի յոթ զորավարժություն կանցկացնի
Քաղաքականություն
19.12.2023 | 13:52
Հավաքական անվտանգության պայմանագրի կազմակերպությունը (ՀԱՊԿ) 2024 թվականի համար նախատեսել է յոթ համատեղ զորավարժություն, որոնք տեղի կունենան Ռուսաստանում, Ղազախստանում, Ղրղզստանում և Տաջիկստանում։ Այս մասին հայտարարել է ՀԱՊԿ գլխավոր քարտուղար Իմանգալի Տասմագամբետովը Խորհրդի նիստում և կազմակերպության Խորհրդարանական վեհաժողովի տասնվեցերորդ լիագումար նիստում, փոխանցում է ՏԱՍՍ-ը։
«2024 թվականի համար պատրաստվել է համատեղ մարտական պատրաստության միջոցառումների լայնածավալ ծրագիր՝ նախատեսված ընդհանուր յոթ վարժանքով»,- ասել է ՀԱՊԿ գլխավոր քարտուղարը։
Նա նշել է, որ համապատասխան միջոցառումները «տեղի կունենան Ղազախստանի Հանրապետության, Ղրղզստանի Հանրապետության, Ռուսաստանի Դաշնության և Տաջիկստանի Հանրապետության տարածքում»։
Տասմագամբետովը պարզաբանել է, որ վարժանքներին կմասնակցեն Արագ արձագանքման հավաքական ուժերը, Կենտրոնական Ասիայի տարածաշրջանի օպերատիվ արձագանքման հավաքական ուժերը, ՀԱՊԿ խաղաղապահ ուժերը, նյութատեխնիկական ապահովման ուժերն ու միջոցները, հետախուզական, հրամանատարական և վերահսկման մարմինները և ՀԱՊԿ CRRF հատուկ նշանակության ուժերը։
