14.10.2026 | 13:53
«Խոսրովի անտառ» պետական արգելոցում բեզոարյան այծեր են տեսանկարահանվել
Թե ինչու չի խառնվում Մշակույթի նախարարությունը. «Փաստ»
02.08.2018 | 10:04
«Փաստ» թերթը գրում է.
Չարենցի տուն–թանգարանի աշխատակցուհի Սեդա Բադալյանին ապօրինաբար աշխատանքից ազատելու դեպքի մասին («Փաստ» օրաթերթ, 28 հուլիսի, թիվ 126) տեղյակ են նաև ՀՀ մշակույթի նախարարությունում: Ավելին, փոխնախարար Տիգրան Գալստյանը հանդիպել է կողմերի հետ և տեղեկացել կոնֆլիկտի մանրամասներին, սակայն կարծում է, որ հարցը դատական կարգով լուծելն ավելի ճիշտ ու անաչառ մոտեցում կլինի երկու կողմերի համար էլ:
«Երբ գործը գնում է դատարան, մշակույթի նախարարությունն այլևս իրավասու չէ որևէ ձևով միջամտել: Ինձ որևէ մեկը չի ասել, որ աշխատակիցը յոթ ամիս աշխատել է թանգարանում, բայց հրամանագրված չի եղել: Ես այդ մասին առաջին անգամ եմ լսում: Ինձ այլ բաներ է ասել աշխատակցուհին, որ ինքն ուզել է հրամանը տեսնել, բայց չեն տվել, վերջում զոռով է վերցրել և այլն, բայց որ ընդհանրապես հրաման չի եղել, ես այդ մասին առաջին անգամ եմ լսում: Եվ այն պահից, երբ իմացա, որ աշխատակցուհին դատարան է դիմելու, ճիշտ համարեցի, որ այդ հարցը թողնենք իրավապահներին: Եվ եթե կապացուցվի, որ այդ ընթացքում հրաման չի եղել, ապա թանգարանի տնօրենը կստանա համապատասխան պատիժ: Այնպես որ, այս փուլում մեր կողմից միջամտելն անիմաստ է»,– ասաց Տ. Գալստյանը:
Ինչ վերաբերում է թանգարանի աշխատանքային կոլեկտիվում առկա լարված մթնոլորտին, նա նշեց, որ իրենք այդօրինակ հարցերը կուսումնասիրեն և հետևություններ կանեն: Փոխնախարարի համար, այնուամենայնիվ, տարօրինակ բացահայտում եղել է, ինչը նույնպես կդառնա ուսումնասիրության և հետևությունների առարկա:
Առավել մանրամասն՝ թերթի այսօրվա համարում:
