23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Իսրայելը Հարավային Լիբանան ներխուժելու ծրագիր է մշակել. Times
Քաղաքականություն
18.12.2023 | 15:46
Իսրայելական բանակը Հարավային Լիբանան ներխուժելու ծրագրեր է մշակել, ինչը սպառնում է է՛լ ավելի սրել հակամարտությունը Մերձավոր Արևելքում: Այս մասին հայտնում է Times պարբերականը։
Ըստ աղբյուրի՝ Իսրայելի պաշտպանության բանակը (IDF) «ցանկանում է հետ մղել շիաների «Հըզբոլլահի» զինված կազմավորումները մինչև Լիտանի գետ, որը երկու կողմերի համար խորհրդանշական նշանակություն ունի»։
Հոկտեմբերի 7-ից՝ պաղեստինա-իսրայելական հակամարտությունը սկսվելուց ի վեր, իսրայելական զինվորականները և շիա մարտիկները փոխանակվում են հրետանային և հրթիռային կրակոցներով: Անցած 24 ժամվա ընթացքում «Հըզբոլլահի» կազմավորումները հարձակվել են սահմանամերձ շրջաններում գտնվող իսրայելական ռազմական հենակետերի վրա՝ հարվածներ հասցնելով նրանց բազմաթիվ հրթիռային համակարգերով։
Ավելի վաղ իսրայելական հրետանին գնդակոծել է լիբանանյան Այտրուն, Ալմա ալ-Շաաբ, Էդ-Դուհեյրա և Ան-Նակուրա բնակավայրերի արվարձանները, որտեղից շիաները հրթիռակոծել են Իսրայելի հյուսիսային շրջանները։
«Իսրայելական դոկտրինը կայանում է նրանում, որպեսզի պատերազմը մյուս կողմ տեղափոխվի»,- ասել է իսրայելցի բարձրաստիճան սպան պարբերականին:
Սահմանից այն կողմ ցամաքային զորքեր ուղարկելու մասին վերջնական որոշումը պետք է կայացնի Իսրայելի արտակարգ ռազմական կաբինետը:
