07.10.2026 | 13:05
Կառուցապատողներին հիշեցրել են՝ գնման իրավունքի պայմանագրերում սպառողների իրավունքները խախտող պայմաններ չեն կարող լինել
Ռուսական զորքերն առաջ են շարժվել Ավդեևկայից հյուսիս, ուկրաինական զինված ուժերը՝ հարավ-արևմուտքում․ ISW
Քաղաքականություն
18.12.2023 | 16:17
Ուկրաինայում շարունակվում են կատաղի մարտերը, իսկ որոշ տեղերում ռուսական բանակը փոքր առաջխաղացումներ է ունենում, հայտնում է Պատերազմի ուսումնասիրության ամերիկյան ինստիտուտը (ISW):
Ինստիտուտի ներկայացրել է հիմնական եզրակացությունները ճակատներում տիրող իրավիճակի վերաբերյալ՝ հիմնված աշխարհագրական տվյալների վրա։
• Ռուսական զորքերը հարձակողական գործողություններ են իրականացրել Բախմուտի շրջանում և հասել են հաստատված հաջողությունների՝ նրանք առաջխաղացում են ունեցել Խրոմովեից հյուսիս-արևմուտք (Բախմուտից արևմուտք) և Կուրդյումովկայում (Բախմուտից 13 կմ հարավ-արևմուտք):
• Ռուսական զորքերը շարունակել են հարձակողական գործողություններն Ավդեևկայի մոտ՝ փոքր հաջողությունների հասնելով Ստեպովոյե շրջանում (Ավդեևկայից 3 կմ հյուսիս): Միևնույն ժամանակ, ISW-ն տեսանելի հաստատում չի գտել ռուս զինվորական բլոգերների այն հայտարարություններին, որ ռուսական բանակը մտել է Ավդեևկայի շրջակայք։
• Ուկրաինական զորքերը հակահարձակման են անցել Ավդեևվկայի մոտ և առաջ շարժվել Նևելսկոյեից դեպի արևելք՝ Ավդեևվկայից հարավ-արևմուտք գտնվող փոքրիկ գյուղից:
• Ռուսական աղբյուրները պնդում են, որ ռուսական զորքերն ամբողջությամբ գրավել են Մարինկան և շարունակել են հարձակողական գործողությունները Դոնեցկի արևմուտքում և հարավ-արևմուտքում։ ISW-ն ամբողջ Մարինկայի վրա ռուսական վերահսկողության տեսանելի ապացույց չի գտել:
• Զապորոժիեի շրջանում շարունակվում են դիրքային մարտերը, Ուկրաինայի զինված ուժերը շարունակել են հարձակողական գործողությունները նրա արևմտյան հատվածում, սակայն անհաջող։
• Ռուսական զորքերը ևս հակահարձակումներ են իրականացրել այնտեղ. ըստ ռուսական աղբյուրների՝ նրանց հաջողվել է փոքր հաջողությունների հասնել Կոպանի և Ռաբոտինո գյուղերի միջև, ինչպես նաև Վերբովոյ և Նովոպրոկոպովկա շրջաններում, սակայն ISW-ն սա ևս չի հաստատում։
