15.01.2026 | 16:16
Ձեր ներկայությամբ են ինձ հեռացրել, փակել դահլիճի դռները. Դավիթ Հարությունյանի բացարկը՝ ԲԴԽ նախագահին․ ՏԵՍԱՆՅՈՒԹ
Ռուսաստանը Ֆինլանդիայի հետ խնդիրներ չուներ, հիմա կունենա. Պուտին
Քաղաքականություն
17.12.2023 | 15:42
Ռուսաստանի և Ֆինլանդիայի միջև բոլոր վեճերը վաղուց լուծված են, երկու երկրների հարաբերություններում խնդիրներ չկան, բայց ՆԱՏՕ-ին Ֆինլանդիայի անդամակցությունից հետո դրանք կհայտնվեն։ Այս մասին ասել է ՌԴ նախագահ Վլադիմիր Պուտինը լրագրող Պավել Զարուբինին տված հարցազրույցում․ հայտնում է ՌԻԱ Նովոստին։
«Այսպիսով, նրանք Ֆինլանդիային ներքաշեցին ՆԱՏՕ-ի մեջ: Մենք վեճեր ունե՞նք Ֆինլանդիայի հետ: Բոլոր վեճերը, այդ թվում տարածքային բնույթի, 20-րդ դարի կեսերին վաղուց լուծվել են»,- ասել է ՌԴ նախագահը։
Պուտինը նշել է, որ անտառտնտեսության ոլորտում որոշակի խնդիրներ կային՝ կապված երկրի ներսում փայտանյութի մշակման զարգացման անհրաժեշտության հետ, բայց դա, Ռուսաստանի ղեկավարի խոսքով, «մանրուք է և անհեթեթություն»։
«Խնդիրներ չեն եղել, հիմա կլինեն»,- ասել է ՌԴ նախագահը։
Նա հավելել է, որ Ռուսաստանն կստեղծի Լենինգրադի ռազմական օկրուգը և այնտեղ կկենտրոնացնի որոշակի ռազմական ստորաբաժնումներ։
Նշենք, որ Ռուսաստանի և Ֆինլանդիայի միջև սահմանային համագործակցության մասին պայմանագիրը երկկողմանի խզվել է։ Որոշումն ուժի մեջ կմտնի 2024 թվականի հունվարի 24-ից:
