05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
ԱՄՆ 48 կոնգրեսականներ Դոնալդ Թրամփին կոչ են անում հանդիպել Նիկոլ Փաշինյանի հետ
Քաղաքականություն
01.08.2018 | 19:36
48 կոնգրեսականներ՝ թե՛ Հանրապետական, թե՛ Դեմոկրատական կուսակցության անդամներ, ստորագրել են ԱՄՆ-ի նախագահ Դոնալդ Թրամփին ուղղված նամակը, որով նրան կոչ են անում սեպտեմբերին կայանալիք ՄԱԿ-ի Գլխավոր ասամբլեայի շրջանակներում հանդիպել Հայաստանի վարչապետ Նիկոլ Փաշինյանի հետ. այս մասին տեղեկանում ենք Ամերիկայի հայ դատի հանձնախմբի պաշտոնական կայքից՝ anca.org-ից:
Նամակն այսօր ուղարկվել է ԱՄՆ-ի նախագահին: Հայաստանի արտգործնախարարության մամուլի խոսնակը երեկ հայտնել էր, որ մտադրություն կա կազմակերպել Հայաստանի վարչապետի ու Միացյալ Նահանգների նախագահի հանդիպումը, և այժմ այդ նպատակով քննարկումներ են ընթանում:
«Մենք միավորում ենք ուժերը բարձր մակարդակի երկխոսության մեջ` երկկողմ առաջնահերթությունների լայն շրջանակով, հատուկ ուշադրություն դարձնելով ԱՄՆ-Հայաստան փոխշահավետ տնտեսական փոխհարաբերությունների աճին »,- ասված Հայ դատի հանձնախմբի հայտարարությունում:
