01.11.2024 | 23:19
Հրդեհ Գյումրու տներից մեկում
Նավալնիին այլ քրեակատարողական հիմնարկ են տեղափոխել․ ՌԴ Դաշնային քրեակատարողական ծառայություն
Քաղաքականություն
15.12.2023 | 18:24
Ռուսաստանցի ընդդիմադիր գործիչ Ալեքսեյ Նավալնին այլ գաղութ է տեղափոխվել, հաղորդում է Euronews-ը։
«Նավալնին թիվ 6 ուղղիչ հաստատությունից տեղափոխվել է այլ ուղղիչ հիմնարկ, որը գտնվում է Վլադիմիրի շրջանից դուրս՝ համաձայն Մոսկվայի քաղաքային դատարանի 2023 թվականի օգոստոսի 4-ի օրինական ուժի մեջ մտած դատավճռի»,- ասվում է Դաշնային քրեակատարողական ծառայության հաղորդագրությունում, որն ընթերցվել է դատարանում։
Դաշնային քրեակատարողական ծառայության աշխատակիցների հայտարարությունների համաձայն՝ Ալեքսեյ Նավալնին գաղութից տարվել է դեկտեմբերի 11-ին, ասել է քաղաքական գործչի մամուլի քարտուղար Կիրա Յարմիշը։ Նրա խոսքով՝ Նավալնիի փաստաբաններին թույլ չեն տվել հանդիպել նրա հետ դեկտեմբերի 6-ից։
Բացի այդ, Նավալնին տեսակապով չի միացվել դատական նիստերին, իբր, թիվ 6 ուղղիչ գաղութում հոսանքի հետ կապված խնդիրների պատճառով։
Դատական նիստը, որում ընթերցվել է Դաշնային քրեակատարողական ծառայության տեղեկանքը «Նավալնիի՝ Վլադիմիրի շրջանի թիվ 6 քրեակատարողական գաղութից հեռանալու մասին», հետաձգվել է դեկտեմբերի 18-ին՝ «մինչև բանտարկյալի գտնվելու վայրը պարզելը»։
