07.10.2026 | 12:28
Իսպանացի մրցավարը որակազրկվել է պատանեկան ԵԱ-ում հայ բռնցքամարտիկների մենամարտերում սխալ որոշումների համար
Ուկրաինայում գյուղխորհրդի պատգամավորը նիստի ժամանակ երկու նռնակ է պայթեցրել․ ՏԵՍԱՆՅՈՒԹ
Քաղաքականություն
15.12.2023 | 17:10
Ուկրաինայի Անդրկարպատյան շրջանում՝ Կերեցկովսկի գյուղական խորհրդի շենքում, պատգամավորներից մեկը նիստի ժամանակ նռնակներ է պայթեցրել։ Պայթյունի հետևանքով երկու մարդ զոհվել է, ևս 26-ը վիրավորվել է, որոնցից 6-ի վիճակը ծանր է։
Պայթյուններն իրականացրած պատգամավորը ողջ է, սակայն բժիշկները նրան փրկելու համար այժմ վերակենդանացման միջոցառումներ են իրականացնում։
Ուկրաինայի ազգային ոստիկանությունը հրապարակել է դեպքի տեսանյութը։ Կադրերում երևում է, որ մի տղամարդ մտնում է նեղ սենյակ, որտեղ գյուղապետարանի նիստն էր անցկացվում, և վիճաբանություններ են հնչում։ Նա ընդհատել է նիստի մասնակիցներին և մի քանի անգամ հարցրել. «Կարո՞ղ եմ ես․․․»:
Նախնական տվյալներով՝ նա երեք նռնակ է նետել։ Դեպքի վայրում շարունակում են աշխատել համապատասխան բոլոր ծառայությունները՝ ոստիկանության քննչական խումբը, պայթուցիկ նյութերի փորձագետներն ու քրեագետները։
Ուկրաինայի անվտանգության ծառայությունը տեղի ունեցածը որակել է որպես ահաբեկչական գործողություն։ Նման գործողությունները պատժվում են ազատազրկմամբ՝ 5-ից 10 տարի ժամկետով։ Իսկ ոստիկանությունը զենք-զինամթերքի ապօրինի կիրառման դեպքով գործ է հարուցել։ Իրավապահները պարզում են պատգամավորի արարքի շարժառիթը։
