13.12.2025 | 14:32
Վահագն Խաչատուրյանն Աշխաբադում զրույցներ է ունեցել մի շարք երկրների նախագահների հետ
Թուրքիայում քրոմի հանքում փլուզումը կյանքեր է խլել
Քաղաքականություն
15.12.2023 | 16:16
Թուրքիայում Դենիզլիի Աջըփայամ շրջանում հանքում փլուզում է տեղի ունեցել, ինչի հետևանքով 2 մարդ մահացել է, 1 հոգի վնասվածքներով դուրս է բերվել փլատակներից։ Այս մասին հաղորդում է CNN Turk-ը։
Փլուզումը տեղի է ունեցել քրոմի հանքում՝ դեռևս չպարզված հանգամանքներում։
Դեպքի վայր են մեկնել ոստիկանության, առողջապահության աշխատակիցներ, հրշեջ ջոկատի և AFAD-ի (Աղետների և Արտակարգ իրավիճակների կառավարման վարչություն) խմբերը։ Թիմերը ձեռնարկել են որոնողափրկարարական աշխատանքներ և հասել փլուզման հետևանքով արգելափակված երեք անձանց։ 4 ժամ որոնումներից հետո աշխատակիցներից Ռըֆաթ Սալմանը փրկվել է և տեղափոխվել հիվանդանոց։
Դրանից 30 րոպե հետո որոնողափրկակարարական աշխատանքների արդյունքում հայտնաբերվել են հանքարդյունաբերող ինժեներ Քադիր Օզերի և հանքագործ Մուստաֆա Քարահանի մարմինները։
Դենիզլիի նահանգապետ Օմեր Ֆարուք Ջոշկունը հայտնել է, որ հիվանդանոց տեղափոխված բանվորի առողջական վիճակը լավ է։ Դեպքի առթիվ հետաքննություն է սկսվել։
Էմմա Չոբանյան
