18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Ալիևը հայտարարել է, թե Ֆրանսիայի «որոշ քաղաքական առաջնորդներ ձգտում են հայերից ավելի հայ լինել»
Քաղաքականություն
15.12.2023 | 18:54
Ադրբեջանի նախագահ Իլհամ Ալիևը Բաքվում անցկացվելիք COP29 կլիմայական համաժողովին նվիրված խորհրդակցության ժամանակ անդրադառնալով Արցախի դեմ ռազմական ագրեսիային ու ԼՂ-ի էթնիկ զտմանը՝ հայտարարել է, թե իրենց իրականացրած «հակաահաբեկչական գործողությունից» հետո արևմտյան որոշ երկրներ մեղադրանքներ են ներկայացնում Ադրբեջանին։ Նա հավելել է, թե, իբր, «անջատողականների և օկուպանտների» դեմ գործողություն իրականացնելով՝ վերականգնել է իր ինքնիշխանությունը՝ «պահպանելով մարդասիրական բոլոր նորմերը»։
Ադրբեջանը նախագահը հավելել է, թե Արևմտյան երկրները, մասնավորապես՝ Ֆրանսիան, չեն ցանկանում համակերպվել նման իրավիճակի հետ։
«Միջազգային հանրությունն արդեն տեսնում է, որ նույնիսկ Հայաստանը հաշտվել է այս իրավիճակի հետ, և COP29 համաժողովի անցկացումը ևս մեկ անգամ ցույց է տալիս դա։ Սակայն Ֆրանսիայի որոշ քաղաքական առաջնորդներ ձգտում են ավելի հայ լինել, քան իրենք՝ հայերը։ Բայց նրանք նույնպես ստիպված կլինեն հաշտվել այս իրավիճակի հետ»,- ասել է Ալիևը։
Հիշեցնենք, որ Բաքուն օրերս փորձել էր հերթական հակաֆրանսիական սադրանքն իրականացնել, որը բացահայտվել է Ֆրանսիայի հետախուզության կողմից։
Էմմա Չոբանյան
