20.12.2025 | 11:19
Դավիթ Բաբայանը Բաքվի դատարանում ևս եզրափակիչ ելույթով է հանդես եկել
Վարդենիս համայնքում կառուցվել է արտաքին լուսավորության ցանց
Տնտեսություն
15.12.2023 | 15:19
Գեղարքունիքի մարզի Վարդենիս համայնքի 15 բնակավայրերում՝ Ախպրաձորում, Արեգունիում, Արփունքում, Գեղամասարում, Դարանակում, Խաչաղբյուրում, Ծովակում, Կախակնում, Կութում, Մաքենիսում, Շատջրեքում, Ջաղացաձորում, Սոթքում, Վանեվանում և Փամբակում ՀՀ կառավարության կողմից իրականացվող սուբվենցիոն ծրագրերի շրջանակներում կառուցվել է շուրջ 20 հազար 730 մետր երկարության արտաքին լուսավորության ցանց, տեղադրվել ԼԵԴ համակարգով աշխատող 691 լուսատու։
Ինչպես տեղեկացնում են Վարդենիսի համայնքապետարանի աշխատակազմից՝ համայնքի 15 բնակավայրերի արտաքին լուսավորության ցանցի կառուցման ծրագրի պայմանագրային արժեքը կազմում է 106 միլիոն 172 հազար դրամ, որի 60 տոկոսը հատկացնում է ՀՀ կառավարությունը, 40 տոկոսը՝ Վարդենիսի համայնքապետարանը։
Շինարարական աշխատանքները մեկնարկել են 2023 թվականի սեպտեմբերից և արդեն գտնվում են ավարտական փուլում։
Ծրագրի շահառու են հանդիսանում վերոնշյալ 15 բնակավայրերի գրեթե բոլոր տնտեսությունները։ Այս բնակավայրերն իրենց պատմության մեջ արտաքին լուսավորության ցանցից օգտվում են առաջին անգամ։
