24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Ճապոնիան պատժամիջոցներ է սահմանել հայկական ընկերության դեմ
Քաղաքականություն
15.12.2023 | 11:53
Ճապոնիայի կառավարությունը ուրբաթ օրը հայտնել է պատժամիջոցների մասին, որոնց ցանկում ընդգրկված է 135 անձ և կազմակերպություն Ռուսաստանից և հինգ այլ երկրներից, այդ թվում՝ ՀՀ-ից։ Արտահանման սահմանափակումները վերաբերում են 57 ընկերությունների Հայաստանից, Ռուսաստանից, Բելառուսից, Ուզբեկստանից, Սիրիայից և ԱՄԷ-ից։
Պատժամիջոցների ցանկում ներառված է հայաստանյան մեկ ընկերություն․ Ճապոնիայի արտաքին գործերի նախարարության հրապարակած ցուցակում նշված է «Տակո» ՍՊԸ-ն, որի գրանցման հասցեն նշված է ՀՀ, քաղաք Երեւան, Շենգավիթ վարչական շրջան, Գարեգին Նժդեհի 17։
Հավելենք, որ անցյալ տարի էլ ԱՄՆ-ն էր այս նույն հայկական ընկերության դեմ պատժամիջոց կիրառել։
Ճապոնիայի պատժամիջոցների տակ են հայտնվել նաև ՌԴ պաշտպանության փոխնախարար Տատյանա Շևցովան, օմբուդսմեն Տատյանա Մոսկալկովան, Մոսկվայի մարզի երեխաների օմբուդսմեն Քսենյա Միշոնովան և 32 այլ ռուս քաղաքացիական և ռազմական գործիչներ, ինչպես նաև ռուսական ռազմարդյունաբերական համալիրի 43 գիտահետազոտական և արտադրական ընկերություններ և պետական մի շարք հասարակական կազմակերպություններ։
