03.06.2026 | 16:44
Ցուցադրված տեխնիկան մեծ մասամբ բանակին է մատակարարվում․ Հակոբ Արշակյան․ ՏԵՍԱՆՅՈՒԹ
Իսրայելը հումանիտար նպատակներով Ռաֆահի բնակիչներին 4-ժամյա դադար է տվել
Քաղաքականություն
14.12.2023 | 20:38
Հինգշաբթի Իսրայելի պաշտպանության բանակը մարդասիրական նպատակներով չորս ժամով դադարեցրել է ռազմական գործողությունները Գազայի հատվածի Ռաֆահ ալ-Սալամ շրջանում, գրում է BBC-ի ռուսական ծառայությունը։
Բնակիչներին խնդրել են օգտվել ընդմիջումից՝ համալրելու իրենց ջրի և սննդի պաշարները: Ցանկացողներին նաև ժամանակ է տրվել՝ մեկնելու դեպի Դեյր էլ-Բալահ շրջան, որն այժմ համեմատաբար ավելի ապահով է համարվում, քան Ռաֆահը:
Դադարի ժամկետը լրացել է տեղական ժամանակով 14:00-ին։
Ռաֆահը քաղաք է հարավային Գազայի հատվածում, որը նախկինում համարվում էր գոտու ամենաանվտանգ վայրը: Իսրայելի ցամաքային գործողության մեկնարկից հետո այնտեղ տարհանվել են հյուսիսային շրջանների բազմաթիվ բնակիչներ։ Սակայն այժմ հարավում նույնպես մարտեր են ընթանում։
