25.11.2024 | 18:32
ՆԱՏՕ-ի նորանշանակ գլխավոր քարտուղարն առաջին անգամ Թուրքիայում է․ նրան ընդունել է Էրդողանը
Ադրբեջանում հերթական երկրաշարժն է տեղի ունեցել
Քաղաքականություն
14.12.2023 | 19:36
Այսօր Ադրբեջանում կրկին երկրաշարժ է տեղի ունեցել։ Ադրբեջանի Գիտությունների ազգային ակադեմիայի սեյսմոլոգիական ծառայության հանրապետական կենտրոնը հայտնում է, որ երկրաշարժի էպիկենտրոնը գտնվել է Կասպից ծովի ադրբեջանական հատվածի հարավային ափամերձ շրջանում։
Երկրաշարժը գրանցվել է տեղական ժամանակով 15։04-ին, ցնցումների ուժգնությունը կազմել է 4,5 մագնիտուդ։
Հաղորդվում է, որ երկրաշարժը զգացվել է Լենքորանում և Լերիկում՝ 3 բալ ուժգնությամբ։
Նշենք, որ օրերս էլ 3,4 մագնիտուդով երկրաշարժ էր գրանցվել Կասպից ծովում։
Հիշեցնենք՝ դեկտեմբերի 7-ին Ադրբեջանում 5,6 մագնիտուդով երկրաշարժ էր տեղի ունեցել՝ բավական ուժեղ հետցնցումներով, որոնք զգացվել էին նաև մայրաքաղաք Բաքվում՝ խուճապ առաջացնելով բնակիչների շրջանում։
Էմմա Չոբանյան
