23.07.2026 | 17:07
Ուրսուլա ֆոն դեր Լայենը մանրամասներ է հայտնել ՌԴ-ի դեմ պատժամիջոցների 21-րդ փաթեթից
Ադրբեջանում ուժեղ երկրաշարժից հետո հետցնցումներ են
Քաղաքականություն
07.12.2023 | 13:37
Ադրբեջանում այսօր առավոտյան տեղի ունեցած ուժեղ երկրաշարժից հետո հետցնցումներ են։ Այս մասին ադրբեջանական լրատվամիջոցներին հայտնել են Ադրբեջանի Գիտությունների ազգային ակադեմիայի սեյսմոլոգիական ծառայության հանրապետական կենտրոնից։
Երկրաշարժի հետազոտությունների բյուրոյի տվյալներով՝ 5,6 մագնիտուդով ցնցումներ են գրանցվել տեղական ժամանակով 08:15-ին։ Երկրաշարժը զգացվել է Բաքվում ու մի շարք այլ բնակավայրերում։ Ալթիագաջում, Սիյազանում, Գուբայում, Գուսարում, Խաչմազում, Շաբրանում, Գոբուստանում, Աբշերոնի թերակղզում երկրաշարժը զգացվել է 3-5 բալ ուժգնությամբ։
Հավելենք, որ համացանցում տարբեր տեսանյութեր են տարածվում, մասնավորապես, դպրոցներից աշակերտների տարհանումների։ Երկրաշարժը խուճապային տրամադրություններ է առաջացրել, մարդիկ խմբերով դուրս են վազել փողոցներ։
Դպրոցներում ու տարբեր ուսումնական հաստատություններում դասերը դադարեցված չեն, սակայն նշվում է, որ ծնողների մեծ մասը երեխաներին տարել է դպրոցից։
Հիշեցնենք, որ Ադրբեջանում տեղի ունեցած երկրաշարժը զգացվել է նաև ՀՀ Տավուշի մարզի Նոյեմբերյան, Իջևան, Դիլիջան և Բերդ քաղաքներում, ինչպես նաև Աչաջուր գյուղում՝ 3 բալ ուժգնությամբ։
Էմմա Չոբանյան
