12.01.2025 | 15:30
Ձեր հիմնական առաքելությունը ոչ թե արդարադատության իրականացումն է, այլ արդարության սահմանումը․ Գալյանը՝ դատավորներին
Բայրամովը հայտարարել է, որ Հայաստանի ու Ադրբեջանի հարաբերությունների կարգավորման պատմական հնարավորություն է ստեղծվել
Քաղաքականություն
14.12.2023 | 16:28
Ադրբեջանի արտգործնախարար Ջեյհուն Բայրամովը հայտարարել է, որ Բաքուն առաջիկայում Հայաստանին կփոխանցի խաղաղության պայմանագրի նախագծի վերաբերյալ Երևանի մեկնաբանությունների պատասխանը։
«Այժմ ձևավորվում է ադրբեջանական կողմի կարծիքը՝ ի պատասխան հայկական կողմի վերջին առաջարկությունների և մեկնաբանությունների խաղաղ պայմանագրի վերաբերյալ, պատասխանը կտրվի մոտ ապագայում»,- ասել է Բայրամովը Թուրքիայի ԱԳ նախարարի հետ ասուլիսում։
Նա նաև հավելել է, որ իրատեսական է համարում Բաքվի և Երևանի միջեւ հարաբերությունների կարգավորումը։
«Հայ-ադրբեջանական հարաբերությունները կարգավորելու պատմական հնարավորություն է ստեղծվել։ Ադրբեջանն ու Թուրքիան գտնում են, որ հարևան երկրների միջև պետք է լինեն խաղաղություն և նորմալ հարաբերություններ։ Մենք ակնկալում ենք, որ Հայաստանը հավատարիմ կմնա նմանատիպ դիրքորոշմանը։ Նման դեպքում դրական արդյունքի հասնելու շատ իրական հնարավորություններ կան»,- ասել է Ադրբեջանի ԱԳ նախարարը։
