15.01.2026 | 12:27
Նիկոլ Փաշինյանի ճեպազրույցը՝ ՈՒՂԻՂ
ՌԴ-ում մոբիլիզացիայի նոր ալիք չի լինի․ Պուտին
Քաղաքականություն
14.12.2023 | 17:29
Ռուսաստանի նախագահ Վլադիմիր Պուտինը մամուլի ասուլիսում հայտարարել է, որ Ուկրաինայի դեմ պատերազմը շարունակելու համար մոբիլիզացիայի երկրորդ ալիք չի լինի։
«Մեր ինչի՞ն է պետք մոբիլիզացիան»,- հարցին հարցով է պատասխանել ՌԴ նախագահը։ Նրա խոսքով, անցյալ տարի մասնակի մոբիլիզացիայի ժամանակ հավաքագրվել է 300 հազար մարդ։ Դրանից հետո Ռուսաստանի իշխանությունները սկսեցին պայմանագրայինների ներգրավել։ Ըստ Պուտինի՝ մինչ օրս արդեն հավաքագրվել է 486 հազար մարդ, կամավորների հետ միասին՝ մոտ կես միլիոն։
Խոսելով Ուկրաինայի դեմ պատերազմի մասին՝ Պուտինը հայտարարել է, որ Ուկրաինան արևմտյան երկրներից արդեն ստացել է բոլոր խոստացված զենքերը։ Մասնավորապես, նա խոսել է 420 տանկերի մասին, որոնք Ուկրաինայի զինված ուժերը ստացել է արևմտյան երկրներից։ Մինչդեռ, Պուտինի խոսքով, հակահարձակման ընթացքում ուկրաինական բանակը կորցրել է 747 տանկ և մոտ 2300 զրահամեքենա։ DW-ն նշում է, որ Կրեմլի ղեկավարի այս հայտարարությունները հնարավոր չէ ճշտել անկախ աղբյուրներից։
