26.06.2026 | 15:10
ՔՊ-ից Ալխաս Ղազարյանը՝ ԱԺ փոխնախագահի պաշտոնի հավակնորդ // Ադրբեջանից բենզին ու դիզվառելիք է գալիս ՀՀ․ ԼՈՒՐԵՐ
Ուկրաինան հայտնել է 42 «Շահեդ»-ների հարձակման մասին
Քաղաքականություն
14.12.2023 | 17:37
Ուկրաինայի ռազմաօդային ուժերն առավոտյան հայտնել են, որ ռուսական բանակի արձակած 42 կամիկաձե անօդաչուներից 41-ը խոցվել են գիշերվա ընթացքում, փոխանցում է BBC-ի ռուսական ծառայությունը։
Սոցցանցերում հրապարակված ռազմաօդային ուժերի հաղորդագրության համաձայն՝ չորեքշաբթի ժամը 19։00-ից ռուսները Ղրիմի և Կրասնոդարի երկրամասի երեք զորավարժարաններից մի քանի փուլերով «Շահեդ»-ներ են արձակել։
Հարձակման հիմնական ուղղությունը Օդեսայի շրջանն է եղել (գիշերը բազմաթիվ տեղեկություններ են ստացվել Դանուբի նավահանգիստների վրա հարձակումների մասին), անօդաչուների մեծ մասը խոցվել է այս տարածքի վրա։
Բացի այդ, Ուկրաինայի ՌՕՈՒ-ի հաղորդմամբ, կեսգիշերին մոտ ռուսական բանակը C-300 զենիթահրթիռային համակարգից վեց հրթիռ է արձակել Խերսոնի և Նիկոլաևի շրջանների ուղղությամբ։
Ո՛չ Ուկրաինայի ռազմաօդային ուժերը, ո՛չ էլ ուկրաինական այլ աղբյուրներ դեռևս չեն հայտնել չխոցված ԱԹՍ-ի ու 6 հրթիռների պատճառած վնասների մասին։
Գիշերը Ուկրաինայի փրկարար ծառայությունը հաղորդել է Օդեսայի մարզում ենթադաբար «Շահեդի» հարվածի հետևանքով գրանցված հրդեհի և 11 տուժածների մասին, սակայն չի նշել, թե որտեղ է այն գրանցվել։
