13.12.2024 | 23:31
Գերմանիան հավանություն է տվել 2006թ․ ի վեր զենքի ամենամեծ արտահանմանը Թուրքիա
Հայկուհի Հարությունյանի հայտարարությունների մասով Հակակոռուպցիոն կոմիտեում քրեական վարույթ է նախաձեռնվել
Հասարակություն
13.12.2023 | 12:15
Factor TV-ի տեղեկություններով Կոռուպցիայի կանխարգելման հանձնաժողովի նախկին նախագահ Հայկուհի Հարությունյանի հայտարարությունների մասով քրեական վարույթ է նախաձեռնվել։ Հարությունյանն Ազգային ժողովում՝ ճեպազրույցի ժամանակ նշել էր, որ իր նկատմամբ ճնշումներ են իրականացվել․
«Իշխանության կողմից իմ գործունեության սկզբում որոշակի ճնշում եղել է՝ մեկ զանգի տեսքով. կոնկրետ կայացվող որոշման շրջանակում «համագործակցության» վերաբերյալ առաջարկ էր, որը մերժվել է»։ Թե ում կողմից է եղել զանգը, նա չէր հայտնել։ «Սովետական միության տարածված այդ զանգի ձևով էր ճնշումը։ Գործադիր մարմնին տեղեկացնելուց հետո դա բացարձակապես կրկնություն չի ունեցել»,- ասել էր Հարությունյանը։
Ավելի ուշ Factor TV-ին տված հարցազրույցում նա նշել էր, որ իրեն զանգահարել է այդ ժամանակ ԱԱԾ տնօրենի պաշտոնակատար Համբարձումյանը։
Վարույթ հարուցելու տեղեկությունը Հակակոռուպցիոն կոմիտեից ևս հաստատեցին՝ նշելով, որ կատարվում է քննություն։
Ռոզա Վարդանյան
