01.11.2024 | 23:19
Հրդեհ Գյումրու տներից մեկում
Հայաստանում ԵՄ առաքելության ընդլայնումը բացարձակ անօգուտ է և լրացուցիչ լարվածություն կառաջացնի․ ՌԴ ԱԳ փոխնախարար
Քաղաքականություն
13.12.2023 | 12:46
Ռուսաստանը միշտ պատրաստ է ընդունել հայ-ադրբեջանական կարգավորման բանակցությունները և հուսով է, որ Բաքուն և Երևանը հաշվի կառնեն համապատասխան առաջարկի արդիականությունը։ Այս մասին ՏԱՍՍ-ի հետ զրույցում հայտարարել է ՌԴ ԱԳ փոխնախարար Միխայիլ Գալուզինը։
«Մեր առաջարկները Հայաստանի և Ադրբեջանի միջև խաղաղ կարգավորման շուրջ խաղաղ բանակցությունները մոսկովյան հարթակում անցկացնելու մասին բաց են Հայաստանում ու Ադրբեջանում մեր գործընկերների համար։ Մենք հուսով ենք, որ Երևանն ու Բաքուն հիշում ենք այդ մասին ու հասկանում դա»,- ասել է Գալուզինը՝ հավելելով, որ միշտ պատրաստ են նման աշխատանքի։
Նա նաև նշել է, որ Հայաստանում ԵՄ քաղաքացիական դիտորդական առաքելության ընդլայնումը «չի նպաստի հայ-ադրբեջանական կարգավորմանը և միայն կուժեղացնի լարվածությունն Անդրկովկասում»։
«Հայաստանում ինքնին նրա հայտնվելը բացարձակ անօգուտ քայլ է հայ-ադրբեջանական հակամարտությանը նպաստելու տեսակետից։ Մենք համոզված ենք, որ ԵՄ առաքելության ընդլայնումը բացարձակ անօգուտ է և չի տա որևէ արդյունք հայ-ադրբեջանական կարգավորմանը, որի հիմնական սկզբունքները մշակվել են 2020 թվականի նոյեմբերին Ռուսաստանի, Ադրբեջանի և Հայաստանի բարձրաստիճան ղեկավարների կողմից և ամրագրվել մի քանի եռակողմ համատեղ հայտարարություններում։ Եվրամիությունը ոչ մի նոր բան չի բերում Անդրկովկաս, դա միայն լրացուցիչ լարվածություն և անվստահություն է առաջացնում»,- նշել է ՌԴ ԱԳ փոխնախարարը։
Նրա խոսքով՝ Հարավային Կովկասում ԵՄ քաղաքականությունն ուղղված է միայն տարածաշրջանից ՌԴ-ին դուրս մղելուն։
«Մենք տեսնում ենք, որ Եվրամիության քաղաքականությունը Հարավային Կովկասում ուղղված է բացառապես Ռուսաստանին այնտեղից դուրս մղելուն՝ միաժամանակ օգտագործելով մեր ձեռքբերումները Հայաստանի և Ադրբեջանի միջև խաղաղ կարգավորման գործընթացում»,- ասել է Գալուզինը։
Հիշեցնենք, որ ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելը հայտարարել էր, որ Բրյուսելն ավելացնում է Հայաստանում ԵՄ քաղաքացիական առաքելության դիտորդների թիվը՝ 138-ից հասցնելով 209-ի։
Էմմա Չոբանյան
