23.07.2026 | 15:46
Բագրատ արքեպիսկոպոս Գալստանյանի և մյուսների գործով դատական նիստը. ՈՒՂԻՂ
ՀՀ-ն և Ադրբեջանն իրենք պետք է որոշեն խաղաղության պայմանագրի ստորագրման ժամկետները․ ՌԴ ԱԳՆ
Քաղաքականություն
12.12.2023 | 18:54
Հայաստանի և Ադրբեջանի միջև խաղաղության պայմանագրի կնքման ժամկետները պետք է որոշեն կողմերը։ Այս մասին ամենշաբաթյա ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
Նրա խոսքով՝ ՌԴ-ն ողջունել է Բաքվի ու Երևանի միջև հարաբերությունների կարգավորման, խաղաղության պայմանագրի կնքման փոխադարձ համաձայնությունը։
«Մենք ողջունել ենք «բոլորը՝ բոլորի դիմաց» բանաձևով ռազմագերիների փոխանակման վերաբերյալ նրանց պայմանավորվածությունը։ Սա նպաստում է վստահության փոխադարձ ամրապնդմանը և հաշտեցման հավելյալ հնարավորություններ է բացում Ռուսաստանի, Ադրբեջանի և Հայաստանի ղեկավարների միջև 2020-2022 թվականներին կնքված համաձայնագրերին համապատասխան»,- ասել է Զախարովան։
Նա հավելել է, որ Մոսկվան պատրաստ է «հետագայում ևս նպաստել գործընկերների միջև հավասարակշռված համաձայնագրի կնքմանը»:
