23.07.2026 | 14:02
Արգենտինային ԱԱ-2026-ից հեռացնելու մասին ստորագրահավաքը մոտ է եղել Գինեսի ռեկորդը գերազանցելուն
ՌԴ-ի սահմանած ցորենի արտահանման արգելքը Հայաստանի վրա չի ազդի
Քաղաքականություն
12.12.2023 | 17:27
Ռուսաստանը երկրից ցորենի արտահանման համար ժամանակավոր սահմանափակում է մտցնում, բայց այն չի տարածվի ԵՏՄ անդամ երկրների, այդ թվում՝ Հայաստանի վրա։ Այս մասին հայտնում է ՌԴ Նախարարների կաբինետի մամուլի ծառայությունը։
«Որոշումն ուղղված է պարենային անվտանգության ապահովմանը և կնպաստի ներքին շուկայում կոշտ ցորենի արտադրանքի գների կայուն վիճակի պահպանմանը»,- ասվում է հաղորդագրության մեջ։
Կոշտ ցորենը թույլատրվում է արտահանել Հայաստան, Բելառուս, Ղրղզստան և Ղազախստան կառավարության որոշմամբ սահմանված քվոտաներով՝ Ռուսաստանի Գյուղատնտեսության նախարարության կողմից թույլտվության դեպքում։
Ժամանակավոր սահմանափակումն ուժի մեջ է մտնում կառավարության հրամանի հրապարակման պահից և կգործի մինչև 2024 թվականի մայիսի 31-ը։ Միաժամանակ, նախատեսված են մի շարք բացառություններ։
Դրանք ներառում են կոշտ ցորենի արտահանումը միջազգային մարդասիրական օգնություն տրամադրելու համար և միջազգային միջկառավարական համաձայնագրերի շրջանակում, ինչպես նաև դրա արտահանումը Ռուսաստանի տարածքից Աբխազիա և Հարավային Օսիա։
Կոշտ ցորենի համաշխարհային բերքը ընթացիկ գյուղատնտեսական սեզոնում կնվազի մինչև 20 տարվա նվազագույն ցուցանիշի՝ արտադրող երկրների ճնշող մեծամասնության անբարենպաստ ագրոօդերևութաբանական պայմանների պատճառով:
