29.04.2026 | 20:47
Փաշինյանը ծանոթացել է Գեղարքունիքի մարզում իրականացված ծրագրերին. ԼՈՒՍԱՆԿԱՐՆԵՐ
Միրզոյանը Ուկրաինայի ԱԳ նախարարին է ներկայացրել «Խաղաղության խաչմերուկ» ծրագիրը
Քաղաքականություն
11.12.2023 | 22:49
Դեկտեմբերի 11-ին Բրյուսելում ՀՀ արտաքին գործերի նախարար Արարատ Միրզոյանը հանդիպում է ունեցել Ուկրաինայի արտաքին գործերի նախարար Դմիտրո Կուլեբայի հետ։
ԱԳՆ-ից տեղեկացնում են, որ հանդիպման ընթացքում զրուցակիցները մտքեր են փոխանակել փոխադարձ հետաքրքրություն ներկայացնող հարցերում երկկողմ համագործակցության, ինչպես նաև Հարավային Կովկասում տարածաշրջանային հարցերի շուրջ:
Արարատ Միրզոյանը ներկայացրել է ՀՀ կառավարության կողմից մշակված «Խաղաղության խաչմերուկ» ծրագիրը։
Լավ հնարավորություն է Բրյուսելում`ԵՄ արտաքին հարաբերությունների խորհրդի շրջանակում, հանդիպելու Ուկրաինայի իմ գործընկերոջը՝ Դմիտրո Կուլեբային՝ X-ի իր միկրոբլոգում գրել է ՀՀ ԱԳ նախարար Արարատ Միրզոյանը։
«Մտքեր փոխանակվեցինք փոխադարձ հետաքրքրություն ներկայացնող ոլորտներում երկկողմ համագործակցության հեռանկարների, ինչպես նաև տարածաշրջանային թեմաների շուրջ»,- ասված է գրառման մեջ։
On the sidelines of #EU Foreign Affairs Council in Brussels good opportunity to meet 🇺🇦counterpart @DmytroKuleba.
Exchanged views on prospects for bilateral cooperation in fields of mutual interest as well as on regional topics. pic.twitter.com/QJHZayGSqY
— Ararat Mirzoyan (@AraratMirzoyan) December 11, 2023
