22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Վիկտոր Սողոմոնյանը՝ Ռ․ Քոչարյանի կալանավորման վերաբերյալ «Սիստեմա» ԲՖԿ-ի արձագանքի և Լավրովի գնահատականի մասին
Քաղաքականություն
01.08.2018 | 11:06
Թեև Հայաստանի երկրորդ նախագահ Ռոբերտ Քոչարյանը հանդիսանում է «Սիստեմա» ԲՖԿ-ի (բաժնետիրական ֆինանսական կորպորացիա) անկախ տնօրեն, սակայն տվյալ ընկերությունը չի արձագանքել Ռոբերտ Քոչարյանի կալանավորմանը։
«Մինչ այս պահն արձագանք չի եղել և, եթե լինեմ անկեղծ, «Սիստեմա» ԲՖԿ-ն մասնավոր ընկերություն է, և ես չեմ էլ սպասում, որ Ռոբերտ Քոչարյանի կալանավորմանը նրանք կարձագանքեն»,- Factor.am-ի հետ զրույցում ասաց 2-րդ նախագահի գրասենյակի ղեկավար Վիկտոր Սողոմոնյանը։
Հարցին՝ ինչպե՞ս է գնահատում Ռուսաստանի Դաշնության արտաքին գործերի նախարար Սերգեյ Լավրովի գնահատականը, ըստ որի՝ Հայաստանի իշխանությունների քայլերը հակասում են ավելի վաղ արված այն պնդումներին, թե «թավշյա հեղափոխությունից» հետո նախկին իշխանությունների հանդեպ հետապնդումներ չեն լինելու, Վիկտոր Սողոմոնյանը պատասխանեց․ «Ես, պարզապես, Սերգեյ Լավրովի ասածը չեմ մեկնաբանի»։
Հիշեցնենք, որ Սերգեյ Լավրովը, խոսելով ՀՀ նախկին նախագահ Ռոբերտ Քոչարյանի կալանավորման մասին, հայտարարել է, որ Հայաստանի իշխանությունների քայլերը հակասում են ավելի վաղ արված այն պնդումներին, որ «թավշյա հեղափոխությունից» հետո նախկին իշխանությունների հանդեպ հետապնդումներ չեն լինելու։ Լավրովը նաև նշել էր, Ռուսաստանը՝ որպես Երևանի դաշնակից, միշտ շահագրգռված է հայկական պետության կայունությամբ, հետևաբար, այնտեղ տեղի ունեցողը չի կարող իրենց չանհանգստացնել։
Աղավնի Սուքիասյան
