23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Իտալիան, Ֆրանսիան և Գերմանիան ԵՄ-ին կոչ են արել պատժամիջոցներ կիրառել ՀԱՄԱՍ-ի և նրա կողմնակիցների դեմ
Քաղաքականություն
11.12.2023 | 19:26
Իտալիան, Ֆրանսիան և Գերմանիան Եվրամիությանը կոչ են արել պատժամիջոցներ կիրառել ՀԱՄԱՍ-ի և նրա կողմնակիցների դեմ։ Reuters-ի հաղորդմամբ՝ այս մասին ասված է երեք երկրների արտգործնախարարների կողմից ԵՄ արտաքին քաղաքականության պատասխանատու Ժոզեպ Բորելին ուղղված նամակում, որի հետ ծանոթացել է պարբերականը։
«Մենք մեր լիակատար աջակցությունն ենք հայտնում ՀԱՄԱՍ-ի և նրա կողմնակիցների դեմ հատուկ պատժամիջոցների ռեժիմ ստեղծելու առաջարկին»,- ասված է նամակում։
«Պատժամիջոցների ռեժիմի արագ ընդունումը մեզ թույլ կտա քաղաքական ազդանշան ուղարկել ՀԱՄԱՍ-ի դեմ պայքարում Եվրամիության հանձնառության և Իսրայելի հետ մեր համերաշխության մասին»,- նշել են Իտալիայի, Ֆրանսիայի և Գերմանիայի արտգործնախարարները։
