18.03.2026 | 22:50
Ադրբեջանում մեկ անձ է ձերբակալվել, որը, ըստ ՊԱԾ-ի, շանտաժի է ենթարկել Ալիևների ընտանիքին հարսի մասի նյութերով
ՌԴ ԿԸՀ-ն որոշել է նախագահական ընտրություններ անցկացնել Ուկրաինայի օկուպացված տարածքներում
Քաղաքականություն
11.12.2023 | 18:48
ՌԴ-ում նախագահական ընտրություններ կանցկացվեն նաև Ռուսաստանի կողմից բռնակցված «նոր շրջաններում»՝ չնայած ռազմական դրությանը։ Նման որոշում է կայացրել երկրի Կենտրոնական ընտրական հանձնաժողովը, գրել է ՌԻԱ Նովոստին։
Նշվում է, որ հանձնաժողովի անդամներն այս որոշումը կայացրել են ԱԴԾ-ի, Պաշտպանության նախարարության և Դոնեցկի ու Լուգանսկի ինքնահռչակ հանրապետությունների, Զապորոժիեի և Խերսոնի շրջանների ղեկավարների հետ խորհրդակցություններից հետո։
«Մենք պետք է անհապաղ տեղեկացնենք Ռուսաստանի նախագահին և Դաշնության Խորհրդին կայացված որոշման մասին: Ես խնդրում եմ ձեզ նամակների նախագծեր պատրաստել և ուղարկել նախագահին և խորհրդին»,- հայտարարել է ԿԸՀ փոխնախագահ Նիկոլայ Բուլաևը:
Նրա խոսքով՝ հանձնաժողովը պատրաստ է «Ռուսաստանի նոր շրջաններում քվեարկությունը խաթարելու փորձերին»։
«Վստահ եմ, որ այն խնդիրը, որ մենք մեր առջև դրել ենք այս որոշումը կայացնելիս (նոր մարզերում ընտրություններ անցկացնելու վերաբերյալ), դրական զարգացում կունենա։ Ես կասկած չունեմ, որ միասին կհաղթահարենք»,- հավելել է Բուլաևը։
ՌԴ նախագահի ընտրությունները նշանակված են 2024 թվականի մարտի 17-ին։
