19.12.2025 | 23:33
ԱՄՆ-ի, Ռուսաստանի և Ուկրաինայի բանակցությունների նոր փուլը տեղի կունենա ԱՄՆ-ում առաջիկա օրերին
Վուչիչն ու Ալիևը դիտարկել են սերբական ռազմական տեխնիկան․ Սերբիան 311 մլն եվրոյի հաուրբիցներ է վաճառում Բաքվին
Քաղաքականություն
11.12.2023 | 15:20
Ադրբեջանի նախագահ Իլհամ Ալիևը Սերբիա կատարած պաշտոնական այցի շրջանակում Նիշ քաղաքում հանդիպել է երկրի նախագահ Ալեքսանդր Վուչիչի հետ։ Ադրբեջանական լրատվամիջոցների հաղորդմամբ՝ դեմ առ դեմ բանակցություններից հետո Վուչիչն ու Ալիևը դիտարկել են սերբական ռազմական տեխիկան ու սարքավորումները։
Ըստ շրջանառվող լուրերի՝ Սերբիան Ադրբեջանի հետ արդեն պայմանագիր է կնքել կամ առաջիկայում կնքելու է՝ 45 միավոր 155 մմ-ոց Nora-B52 հաուբիցների մատակարարման վերաբերյալ՝ ընդհանուր 311 մլն եվրո արժեքով։
Վուչիչը նոյեմբերի վերջին տեղեկացրել էր, որ ավելի վաղ իր հայտարարած պաշտպանական խոշոր պայմանագիրն արդեն ստորագրված է, սակայն դեռևս մանրամասներ չի կարող հայտնել՝ բացառությամբ, որ այն աֆրիկյան երկիր չէ, և որ խոսքը 311 միլիոն եվրոյի մասին է (ավելի վաղ տեղեկություններ էին տարածվել, որ Սերբիան նման պայմանագիր է կնքելու Ալժիրի հետ)։
Մինչ այդ՝ սեպտեմբերին էլ Սերբիայի նախագահը հայտարարել էր, որ Ադրբեջանի հետ 300 մլն արժողությամբ մեծ պայմանագիր է ստորագրվելու։
Հավելենք, որ նախօրեին Ադրբեջանի, Սերբիայի և Բուլղարիայի նախագահներ Իլհամ Ալիևը, Ալեքսանդր Վուչիչը և Ռումեն Ռադևը սերբ-բուլղարական սահմանի մոտ մասնակցել են ինտերկոնեկտորի բացման արարողությանը, որով ադրբեջանական գազը կմատակարարվի Սերբիա։
Էմմա Չոբանյան
