15.01.2026 | 15:05
Վաղ թե ուշ, Հայաստանի հավաքականը պետք է «կրակի»․ Խորեն Բայրամյանը ցավոտ է ընդունում հավաքականի գրանցած արդյունքները
Թուրքիայում հնարավոր են համարում Իսրայելի հետ դիվանագիտական հարաբերությունների խզումը
Քաղաքականություն
08.12.2023 | 13:54
Թուրքիայիի «Հայրենիք» կուսակցության առաջնորդ Դողու Փերինչեքը, մեկնաբանելով Թուրքիայի և Իսրայելի միջև դիվանագիտական հարաբերությունների խզման հավանականությունը՝ երկրում բնակվող ՀԱՄԱՍ-ի անդամներին իսրայելական հետախուզության սպառնալիքների մասին տեղեկատվության համատեքստում, ՌԻԱ Նովոստիին ասել է, որ հարցը «բաց է մնում»։ Ըստ նրա՝ իրավիճակը կախված կլինի Անկարայի և Թել Ավիվի միջև տեղի ունեցող գործընթացի ծանրությունից։
Ավելի վաղ ամերիկյան Wall Street Journal-ը, հղում անելով իսրայելցի պաշտոնյաներին, գրել էր, որ իսրայելական հետախուզական ծառայությունները պատրաստվում են Գազայում պատերազմի ավարտից հետո ոչնչացնել պաղեստինյան ՀԱՄԱՍ շարժման առաջնորդներին ամբողջ աշխարհում։
Մասնավորապես, իբր, պլաններ են մշակվում Լիբանանում, Թուրքիայում և Կատարում բնակվող ՀԱՄԱՍ-ի առաջնորդներին հայտնաբերելու ուղղությամբ:
Միաժամանակ, թուրքական «Habertürk» հեռուստաալիքը, վկայակոչելով երկրի հետախուզական աղբյուրներին, հաղորդում է, որ թուրքական հետախուզությունն Իսրայելին նախազգուշացրել է «լուրջ հետևանքների» մասին՝ Թուրքիայում բնակվող ՀԱՄԱՍ-ի անդամների նկատմամբ հալածանքների դեպքում։
