23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
ՄԱԿ-ի Անվտանգության խորհուրդն այսօր կքննարկի Գազայի հատվածում իրավիճակը
Քաղաքականություն
08.12.2023 | 11:24
ՄԱԿ-ի Անվտանգության խորհուրդն այսօր նիստ կգումարի Գազայի հատվածում կրակի անհապաղ դադարեցման անհրաժեշտության շուրջ:
Հանդիպումը հրավիրել է գլխավոր քարտուղար Անտոնիո Գուտերեշը՝ հղում անելով ՄԱԿ-ի կանոնադրության 99-րդ հոդվածին, որը թույլ է տալիս գլխավոր քարտուղարին «Խորհրդի ուշադրությունը հրավիրել ցանկացած հարցի վրա, որն իր կարծիքով կարող է սպառնալ միջազգային խաղաղությանը և անվտանգությանը», փոխանցում է BBC-ի ռուսական ծառայությունը։ ՄԱԿ-ի նախկին գլխավոր քարտուղարները նման նախաձեռնությամբ հանդես չեն եկել տասնամյակներ շարունակ:
Չորեքշաբթի օրը Անվտանգության խորհրդին ուղղված նամակում Գուտերեշը նշել էր, որ Իսրայելում և Գազայի հատվածում ստեղծված իրավիճակը «կարող է սրել միջազգային խաղաղության և անվտանգության պահպանման համար առկա սպառնալիքները»:
Սա խորհրդի անդամների միջև խնդրի շուրջ միասնական դիրքորոշման հասնելու հինգերորդ փորձն է լինելու։ Պատերազմի սկզբից ի վեր ներկայացված նախկին չորս բանաձևերի նախագծերը մերժվել են Անվտանգության խորհրդի կողմից։
