Քաղաքականություն
07.12.2023 | 21:45
Պարագվայում Հայաստանի դեսպանությունը տեղեկացնում է, որ այսօր Բուենոս Այրեսի ինքնավար քաղաքի խորհրդարանը 59 կողմ, 1 ձեռնպահ քվեարկությամբ ընդունել է Ադրբեջանի Հանրապետության կողմից Լեռնային Ղարաբաղի նկատմամբ իրականացրած գործողությունները դատապարտող հայտարարություն:
«Հայտարարությունում խորհդարանը դատապարտում է և մեծ մտահոգություն հայտնում հայ ժովովրդի բռնի տեղահանման և վերջինիս համար ստեղծված անմարդկային պայմանների առնչությամբ, որ պայմանավորված են Ադրբեջանի Հանրապետության կողմից հրադադարի համաձայնությունը խախտող գործողություններով, Լաչինի միջանցքի շրջափակմամբ և Լեռնային Ղարաբաղի տարածքում պատերազմական գործողությունների վերսկսմամբ և կոչ է անում երաշխավորել քաղաքացիական անձանց անվտանգությունը և միջազգային մարդասիրական իրավունքի հանդեպ հարգանքը»,- ասված է հաղորդագրության մեջ:
