12.01.2025 | 15:50
Յուրաքանչյուր դատավոր պետք է գործի բացառապես օրենքի և իր խղճի թելադրանքով. ՀՀ նախագահ․ ՏԵՍԱՆՅՈՒԹ
Կոռուպցիայի դեմ պայքար՝ վերահսկելով Կոռուպցիայի կանխարգելման հանձնաժողո՞վը․ ՏԵՍԱՆՅՈՒԹ
Քաղաքականություն
07.12.2023 | 20:32
«Քաղաքացիական պայմանագրի» պատգամավորները «ճնշում» և «շանտաժ» են որակում քաղհասարակության գնահատականները և ժողովրդավարության հետընթացի մասին ահազանգերը Կոռուպցիայի կանխարգելման հանձնաժողովի անդամի թեկնածու Հայկուհի Հարությունյանին չընտրելու հարցով։ Օրինակ՝ Եվրամիություն-Հայաստան քաղհասարակության պլատֆորմն իր հայտարարությունում նշում է, թե իշխանական խմբակցությունը, ամենայն հավանականությամբ, որոշել է ազատվել Հայկուհի Հարությունյանից՝ «տուրք տալով անձնական շահագրգռվածությամբ առաջնորդվող մի քանի անդամների ցանկություններին»:
Ըստ Հարությունյանի՝ ՔՊ-ական իշխանության 25 ներկայացուցչի վերաբերյալ վարույթներ են քննվել հանձնաժողովում։ Արդյո՞ք այս գործոնն է հարկադրել ՔՊ-ին բացասական վերաբերմունք դրսևորել Հարությունյանի նկատմամբ, և չընտրելով նրան՝ կանխարգելել հետագա վարույթները ՔՊ-ական իշխանության անդամների կասկածելի ունեցվածքների վերաբերյալ։
ՔՊ-ն չի մասնակցել Հայկուհի Հարությունյանի թեկնածության վերաբերյալ քվեարկությանը՝ այդ կերպ թույլ չտալով նրան ընտրվել հանձնաժողովի անդամ։
Ի՞նչ նպատակ են հետապնդում ՔՊ-ականների անթաքույց ագրեսիվ ելույթները ԱԺ-ում, և ինչո՞վ պայմանավորել Հարությունյանին հանձնաժողովից դուրս թողնելու որոշումը։ Factor TV-ի կազմակերպած քննարկմանը մասնակցում են Գյումրիի ժուռնալիստների «Ասպարեզ» ակումբի խորհրդի նախագահ Լևոն Բարսեղյանը, Հելսինկյան ասոսացիայի նախագահ, իրավապաշտպան Նինա Կարապետյանցը, փաստաբան Արա Ղարագյոզյանը։
Մանրամասները՝ տեսանյութում։
