15.11.2024 | 23:30
Թուրքիայի նախագահականը հերքում է Էրդողանի և նրա դաշնակից Բահչելիի միջև տարաձայնությունները քրդական հարցի շուրջ
Աշխատանքից ազատված ուսուցչուհին Պաշտպանի աջակցությամբ վերականգնվել է նախկին աշխատանքում
Հասարակություն
31.07.2018 | 15:32
Քաղաքացին դիմել է Մարդու իրավունքների պաշտպանին՝ տեղեկացնելով, որ իրեն աշխատանքից անօրինական ազատել են:
Ըստ դիմումատուի՝ շուրջ 20 տարի աշխատել է դպրոցում որպես ուսուցչուհի: Առողջական խնդիրների պատճառով մի քանի օր չի ներկայացել աշխատանքի, սակայն հետագայում այդ փաստը հավաստող տեղեկանք տնօրինությանը ներկայացնել չի կարողացել: Արդյունքում, վերջինիս աշխատանքից ազատել են՝ իր պնդմամբ, առանց հիմնավոր պատճառաբանության:
Դիմումում նկարագրված հանգամանքները պարզելու, ինչպես նաև դպրոցի տնօրենի ժամանակավոր պաշտոնակատարի հրամանի օրինականության և հիմնավորվածության վերաբերյալ պարզաբանումներ ներկայացնելու նպատակով գրություններ են ուղարկվել մարզպետարան:
Մարզպետի հրամանով ուժը կորցրած է ճանաչվել դպրոցի տնօրենի ժամանակավոր պաշտոնակատարի աշխատանքից ազատման հրամանը:
Արդյունքում, ուսուցչուհին վերականգնվել է նախկին աշխատանքում: Նրան վճարվել է նաև բաց թողնված ժամանակահատվածի աշխատավարձը:
