29.04.2026 | 18:50
Ժոզե Մոուրինյուն արձագանքել է «Ռեալ» վերադառնալու մասին լուրերին
Զախարովան՝ Վերին Լարսում հայկական բեռների հետ կապված իրավիճակի մասին․ ՏԵՍԱՆՅՈՒԹ
Քաղաքականություն
06.12.2023 | 15:18
Վերին Լարսում հայկական բեռների բացթողման շուրջ ստեղված իրավիճակի վերաբերյալ ՌԴ և ՀՀ համապատասխան գերատեսչությունների միջև երկխոսություն է ծավալվում։ Այս մասին ամենշաբաթյա ճեպազրույցի ժամանակ հայտարարեց ՌԴ ԱԳՆ պաշտոնական ներկայացուցիչ Մարիա Զախարովան։
«Բառացիորեն վերջերս խորհրդակցություններ տեղի ունեցան Եվրասիական տնտեսական հանձնաժողովի գծով, Ռուսաստանի և Հայաստանի համապատասխան գերատեսչությունների միջև երկխոսության շրջանակում Վերին Լարսի բազմակողմ ավտոմոբիլային անցակետով բեռների բացթողման վերաբերյալ հայ գործընկերների մոտ ծագած հարցերի շուրջ, ինչպես նաև հայկական գյուղատնտեսական ապրանքների մատակարարման վերաբերյալ»,- նշեց նա։
Ըստ Զախարովայի՝ հանդիպումները կրել են կառուցողական բնույթ։
«Հանդիպումները կրել են առարկայական և կառուցողական բնույթ, երկուստեք քննարկվել են մի շարք միջոցառումներ՝ փոխընդունելի լուծումներ գտնելու համար։ Կան և եղել են մեխանիզմներ, որոնք կարող են և պետք է կիրառվեն խնդիրների դեպքում, ինչպես հիմա է լինում»,- նշեց նա։
Մանրամասները՝ տեսանյութում։
