11.09.2026 | 23:28
Վարչապետը խարույկի շուրջ հանդիպում է ունեցել հեծանվավազքի «Վարչապետի գավաթ»-ի մասնակիցների հետ
Թուրքիայում գնաճը հասել է 62 տոկոսի
Քաղաքականություն
05.12.2023 | 23:02
Թուրքիայի սպառողական գների ինդեքսը նոյեմբերին ամսական կտրվածքով աճել է 3,28 տոկոսով, իսկ տարեկան գնաճը մեկ ամսում 61,36 տոկոսից հասել է 61,98 տոկոսի: Այս մասին նշվում է Թուրքիայի պետական վիճակագրական ինստիտուտի (TÜİK) հրապարակած պաշտոնական տվյալներում, գրում է Duvar-ը։
Սա 2023 թվականի ամենաբարձր պաշտոնական գնաճի ցուցանիշն է: Թուրքիայի Կենտրոնական բանկը նոյեմբերին ավելացրել էր այս տարվա վերջի և հաջորդ տարվա գնաճի կանխատեսումները, համապատասխանաբար, 65 և 36 տոկոսով։
Հիմնական խմբերի շարքում հյուրանոցները, սրճարանները և ռեստորանները գրանցել են գների տարեկան ամենամեծ աճը՝ 92,86 տոկոս, իսկ բնակարանները՝ ամենացածրը՝ 37,54 տոկոս:
Թուրքիայի առաջադեմ արհմիությունների կոնֆեդերացիայի (DİSK-AR) հետազոտական կենտրոնը նոյեմբերին պարենային ապրանքների միջին գնաճը հաշվարկել է 67 տոկոս, իսկ թոշակառուների համար սննդի գնաճը՝ 82,5 տոկոս։
Էմմա Չոբանյան
