09.06.2026 | 12:10
Նորընտիր ԱԺ-ի առաջին նիստը՝ օգոստոսի 2-ին // ԵՄ-ն՝ ՀՀ-ի դեմ Մոսկվայի հիբրիդային հարձակումների մասին․ ԼՈՒՐԵՐ
Օրակարգում է Նիկոլ Փաշինյան- Դոնալդ Թրամփ հանդիպումը. ՀՀ ԱԳՆ
Քաղաքականություն
31.07.2018 | 11:57
Հայաստանի արտաքին գործերի նախարարությունն աշխատանքներ է տանում, որպեսզի ՀՀ վարչապետ Նիկոլ Փաշինյանը և ԱՄՆ նախագահ Դոնալդ Թրամփը այս տարվա սեպտեմբերին հանդիպեն։ Այս մասին այսօր լրագրողների հետ զրույցում ասաց ՀՀ ԱԳ նախարարի մամուլի խոսնակ Տիգրան Բալայանը։
«Եթե մենք հաստատենք, որ Նիկոլ Փաշինյանը կմասնակցի ՄԱԿ-ի գլխավոր Ասամբլեայի խորհրդի նիստին, այդ շրջանակում հնարավոր կլինի կազմակերպել Փաշինյան-Թրամփ հանդիպում»,- ասաց խոսնակը։
Վերջինս նշեց, որ, թեև, վարչապետը պատրաստակամություն է հայտնել հանդիպել նաև Ադրբեջանի նախագահ Իլհամ Ալիևի հետ, սակայն այդ հանդիպումը պետք է կազմակերպել, եթե հնարավոր լինի իրականացնել բովանդակային քննարկում։ «Այստեղ պետք է նկատի ունենանք, որ լինի բովանդակություն և պայմանավորվածությունների վերահաստատում, որը հնարավորություն կստեղծի ապահովել այնպիսի պայմաններ, որ Ղարաբաղի հարցի կարգավորման վերաբերյալ առաջընթաց գրանցվի»,- նկատեց Տիգրան Բալայանը։
Խոսելով Անգելա Մերկելի՝ Հայաստան այցի հավանականության մասին էլ, Բալայանը նշեց, որ Գերմանիայի կանցլերի կողմից այցի վերաբերյալ դեռևս հստակ համաձայնություն չկա։
