Հասարակություն
04.12.2023 | 18:06
Դեկտեմբերի 4-ին՝ ժամը 14։35-ի սահմաններում, Ադրբեջանի ԶՈՒ-ն կրակ է բացել Բարձրունու (Վայոց ձորի մարզ) հատվածում տեղակայված հայկական դիրքի ուղղությամբ, ինչի հետևանքով հրազենային մահացու վիրավորում է ստացել ՀՀ ՊՆ N զորամասի զինծառայող Գերասիմ Ավետիքի Առաքելյանը. տեղեկացնում են ՀՀ ՊՆ-ից։
Դեպքի հանգամանքներն ամբողջովին պարզելու նպատակով ընթանում է քննություն:
Պաշտպանության նախարարությունը վշտակցում և զորակցություն է հայտնում զինծառայողի ընտանիքի անդամներին, հարազատներին և ծառայակից ընկերներին:
Հիշեցնենք, որ Factor.am-ն ավելի վաղ տեղեկացրել էր միջադեպի մասին։
Factor.am-ին հայտնի դարձավ, որ զոհված Գերասիմ Առաքելյանը Եղեգնաձոր քաղաքից է, 31 տարեկան։
