01.11.2024 | 23:19
Հրդեհ Գյումրու տներից մեկում
Իսրայելը հերքում է, թե մեկ տարի առաջ տեղյակ է եղել ՀԱՄԱՍ-ի հարձակվելու ծրագրերի մասին
Քաղաքականություն
04.12.2023 | 18:02
Իսրայելի զինվորականները հերքում են լրատվամիջոցների վերջին հրապարակումներն այն մասին, թե նախապես տեղյակ են եղել հոկտեմբերի 7-ին Գազայի հատվածի սահմանին հարձակում իրականացնելու ՀԱՄԱՍ-ի ծրագրերի մասին, գրում է BBC-ի ռուսական ծառայությունը։
«Ծիծաղելի է փորձել քարոզել ցանկացած տեսակի դավադրության տեսություն»,- հայտարարել է Իսրայելի պաշտպանության բանակի խոսնակ Ջոնաթան Կոնրիկուսը X-ի ուղիղ եթերում։
Նա կտրականապես հերքել է, որ դա կարող էր տեղի ունենալ: Կոնրիկուսն ընդունել է, որ իսրայելական բանակը չի կարողացել «ապահովել այն, ինչ պետք է աներ, այսինքն՝ ապահովել իսրայելցիների պաշտպանությունն ու անվտանգությունը» հոկտեմբերի 7-ին։ Սակայն հետաքննությունը կիրականացվի միայն այն բանից հետո, երբ իսրայելցի զինվորականները «հաղթեն ՀԱՄԱՍ-ին»։
Հիշեցնենք, որ The New York Times-ը նախորդ շաբաթ հայտնել էր, որ Իսրայելի զինվորականները հարձակումից ավելի քան մեկ տարի առաջ իմացել են այդ ծրագրերի մասին, սակայն չեն հավատացել՝ դրանք համարելով չափազանց հավակնոտ:
Էմմա Չոբանյան
