16.03.2026 | 23:18
ԵՄ-ն պատժամիջոցներ է սահմանել չինական և իրանական ընկերությունների նկատմամբ՝ կիբերհարձակումների համար
Քննարկվել է Ֆրանկոֆոնիայի 17-րդ գագաթաժողովի շրջանակում իրականացվելիք մշակութային օրակարգը
Մշակույթ
30.07.2018 | 20:13
Ս. թ. հուլիսի 27-ին, ՀՀ մշակույթի նախարարությունում տեղի է ունեցել խորհրդակցություն, որը վարում էր ՀՀ մշակույթի նախարար Լիլիթ Մակունցը. տեղեկացնում է նախարարության լրատվական ծառայությունը:
Հանդիպմանը մասնակցում էին Ֆրանսիայի նախագահի Ֆրանկոֆոնիայի հարցերով խորհրդական Ժան-Մարկ Բերթոնին, Հայաստանում Ֆրանսիայի Հանրապետության դեսպան Ժոնաթան Լաքոտը, ՀՀ մշակույթի նախարարի տեղակալներ Նազենի Ղարիբյանը և Տիգրան Գալստյանը, պաշտոնատար այլ անձիք:
Հանդիպման նպատակն էր քննարկել 2018 թվականի հոկտեմբերին կայանալիք Ֆրանկոֆոն պետությունների և կառավարությունների ղեկավարների 17-րդ գագաթաժողովի շրջանակում իրականացվելիք մշակութային միջոցառումները:
Լիլիթ Մակունցը խորհրդակցության մասնակիցներին ողջունել և վստահեցրել է, որ ամեն բան արվում է, որպեսզի միջոցառումներն անցկացվեն բարձր մակարդակով:
Այնուհետև, Նազենի Ղարիբյանը հանդիպման մասնակիցներին ներկայացրել է գագաթաժողովի շրջանակում իրականացվող մշակութային օրակարգն ու ծրագրերը:
Խորհրդակցության ընթացքում հնչել են նոր առաջարկներ, որոնց կատարման համար աշխատանքային խմբին տրվել են հանձնարարականներ:
