16.12.2025 | 13:42
ՀՀ-ն ՆԱՏՕ-ին անդամակցելու հավակնություն չունի. Սարգիս Խանդանյան․ ՏԵՍԱՆՅՈՒԹ
ՀՀ ԱԳ փոխնախարարը Լիտվայի Սեյմասի պատվիրակությանն է ներկայացրել ՀՀ-ի շուրջ ստեղծված անվտանգային իրավիճակը
Քաղաքականություն
30.11.2023 | 22:43
Նոյեմբերի 30-ին ՀՀ ԱԳ նախարարի տեղակալ Պարույր Հովհաննիսյանն ընդունել է Լիտվայի Սեյմասի՝ Հայաստանի հետ միջխորհրդարանական հարաբերությունների խմբի ղեկավար Ռայմունդաս Լոպատայի գլխավորած պատվիրակությանը: Այս մասին տեղեկացրին ՀՀ ԱԳՆ-ից։
Ողջունելով Սեյմասի պատգամավորների այցը Հայաստան՝ նախարարի տեղակալն ընդգծել է Լիտվայի հետ ներկա հարաբերությունների բարձր մակարդակն ու ձեռք բերված դինամիկան: Պարույր Հովհաննիսյանը կարևորել է երկու երկրների միջև միջխորհրդարանական կապերի զարգացումը և այս համատեքստում նախորդ ամիս Սեյմասի փոխնախագահ Ռադվիլե Մորկունայտե-Միկուլիենեի գլխավորած պատվիրակության՝ Հայաստան այցելությունը:
Հանդիպմանն անդրադարձ է կատարվել Հայաստանում իրականացվող ժողովրդավարական բարեփոխումների գործընթացին, հայ-լիտվական երկկողմ օրակարգին վերաբերող հարցերին, ինչպես նաև ՀՀ-ԵՄ փոխգործակցության խորացմանն ուղղված քայլերին:
Լիտվական կողմի խնդրանքով նախարարի տեղակալն անդրադարձել է Հայաստանի շուրջ ստեղծված անվտանգային իրավիճակին, ինչպես նաև Հայաստանի և Ադրբեջանի միջև հարաբերությունների կարգավորման ուղղությամբ կատարված քայլերին։ Պարույր Հովհաննիսյանը ներկայացրել է ՀՀ կառավարության կողմից մշակված «Խաղաղության խաչմերուկ» նախագիծը և տարածաշրջանում կապուղիների արդյունավետ ապաշրջափակման և շահավետ փոխկապակցվածության ձևավորման կարևորությունը։
