15.11.2024 | 10:30
NYMEX. թանկարժեք մետաղների գներն աճել են
Էդուարդ Շարմազանովը՝ «Ծառուկյան» դաշինքի հետ կոալիցիայի մասին
Քաղաքականություն
07.07.2017 | 15:10
Ապագայի վերաբերյալ կանխատեսումներ անելն անշնորհակալ գործ է: Այս մասին այսօր խորհրդարանում լրագրողների հետ զրույցում ասաց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը՝ անդրադառնալով մամուլում շրջանառվող լուրերին, թե 2018 թվականին հնարավոր է Հանրապետական կուսակցությունը կոալիցիոն հուշագիր ստորագրի «Ծառուկյան» դաշինքի հետ:
«2018 թվականի ապագա կոալիցիայի, Կառավարության վերաբերյալ որևէ քննարկում ՀՀԿ-ում չի ծավալվել: Մեկ անգամ չէ, որ դրա մասին ասվել է: Հանրապետականն այս պահին իրականացնում է նախագահ Սարգսյանի՝ մայիսի 18-ի ծրագրային ելույթի դրույթները, որի հիմքի վրա է Կառավարությունը»,- ընդգծեց Շարմազաովը:
Լրագրողները հետաքրքրվեցին՝ ցանկություն կա՞ ՀՅԴ-ն փոխարինել «Ծառուկյան» դաշինքով, Շարմազանովն այսպես պատասխանեց. «ՀՅԴ-ն իր կայուն տեղն ունի կոալիցիայում, իսկ 2018 թվականին կոալիցիան ինչպիսի տեսք կունենա, կքննարկենք 2018 թվականին»:
Ինչ վերաբերում է անարդարության դեմ պատերազմ սկսելու Սերժ Սարգսյանի հայտարարությանը, Շարմազանովն ասաց, որ պայքարի մեկնարկը տրված է:
Մանրամասները՝ տեսանյութում:
Շողիկ Գալստյան
