15.05.2026 | 10:23
Փաշինյանը ցավակցական ուղերձ է հղել Նիկոլայ Ծատուրյանի մահվան կապակցությամբ
Միլիարդների ունեցվածք, Հոկտեմբերի 27 և «Մարտի 1-ի» ոճրագործություն․ իրավապահները պետք է բացահայտեն ամբողջը․ Ստեփան Գրիգորյան․ ՏԵՍԱՆՅՈՒԹ
Քաղաքականություն
30.07.2018 | 15:13
Գլոբալիզացիայի և տարածաշրջանային համագործակցության վերլուծական կենտրոնի նախագահ, քաղաքագետ Ստեփան Գրիգորյանը շնորհակալություն է հայտնում այն դատավորին, ում որոշմամբ կալանավորվեց ՀՀ 2-րդ նախագահ Ռոբերտ Քոչարյանը։
«Երկու ական կա ՀՀ պետականության տակ դրված՝ Ռոբերտ Քոչարյանը և Սերժ Սարգսյանը։ Քննչական մարմինը, դատավորը փորձեցին այդ ականներից մեկը հանել, ինչը Հայաստանի համար կդառնա նախադեպ և կբարձրացնի մեր երկրի միջազգային վարկանիշը»,- այսօր լրագրողների հետ հանդիպման ժամանակ ասաց Ստեփան Գրիգորյանը՝ կոչ անելով իրավապահներին հետաքննել և հասկանալ նաև՝ որտեղից է այդ հարստությունը հայտնվել Ռոբերտ Քոչարյանի ձեռքում։
«Զուգահեռ պետք է սկսվի քննություն իր և իր բիզնեսների հետ կապված։ Եթե նա դա ձեռք է բերել պաշտոնավարման ժամանակ, դա հակասելու է Սահմանադրությանը, որը բացառում է՝ պաշտոնյան բարձր պաշտոն ունենա և զուգահեռ բիզնես գործունեությամբ զբաղվի»,- ասաց նա՝ ընդգծելով, որ, ըստ որոշ լուրերի, Ռ․ Քոչարյանի ունեցվածքը հասնում է մի քանի միլիարդավոր դոլարների։
Քաղաքագետը հիշեցրեց նաև Հոկտեմբերի 27-ի ոճրագործությունը՝ շեշտելով, որ այժմ պետք է սկսվի քննություն նաև այս գործով։
«Մարդ, որի ժամանակ գնդակահարվեց իշխանության մեծ մասը։ Նա էր չէ՞ նախագահը։ Ոչ մի տարբերակում չպետք է բավարարվել միայն «Մարտի 1-ի» դեպքերի բացահայտմամբ»,-ասաց նա։
Գլոբալիզացիայի և տարածաշրջանային համագործակցության վերլուծական կենտրոնի նախագահն ադրադարձավ նաև Ռոբերտ Քոչարյանի դատապաշտպաններին և ասաց, որ իր համար զարմանալի է, երբ հայտնվում են պաշտպաններ, որոնք գնացել և պաշտպանում են երիտթուրքերի քաղաքականությունը վարած մարդուն։
Մանրամասները՝ տեսանյութում։
