23.06.2026 | 11:45
Ծեծկռտուք ավագանու նիստում․ ՏԵՍԱՆՅՈՒԹ
Էրդողանը պաշտոնական այցով կմեկնի Գերմանիա
Քաղաքականություն
30.07.2018 | 10:50
Թուրքիայի նախագահ Ռեջեփ Թայիփ Էրդողանը 4 տարվա ընդմիջումից հետո առաջին անգամ պաշտոնական այցով կմեկնի Գերմանիա։ Նախատեսվում է, որ այցը կայանալու է սեպտեմբերի վերջին։ Տեղեկությունը հաղորդվում է` հիմնվելով Թուրքիայի և Գերմանիայի կառավարություններին մոտ կանգնած աղբյուրներին. տեղեկացնում է ermenihaber-ը:
Աղբյուրը շեշտում է, որ Բրյուսելում կայացած ՆԱՏՕ-ի գագաթնաժողովի ժամանակ Էրդողանի ու Գերմանիայի կանցլեր Անգելա Մերկելի միջև հանդիպում էր կայացել։ Հանդիպման ժամանակ Էրդողանը ցանկություն էր հայտնել այց կատարել Գերմանիա։
Հիշեցվում է, որ թուրք-գերմանական հարաբերությունները կարգավորվեցին այն բանից հետո, երբ Թուրքիայում ազատ արձակվեցին մի շարք Գերմանիայի քաղաքացիներ։
Գերմանիայի կալանավորված քաղաքացիներից էին ծագումով թուրք լրագրող Դենիզ Յուջելը, ինչպես նաև իրավապաշտպան Պետեր Շթոյդները։ Նշյալ մարդիկ թուրքական դատարանի կողմից մեղադրվում էին Թուրքիայում ահաբեկչական համարվող կազմակերպությունների հետ կապ ունենալու մեջ։
